1. Bial din tan hun/din dan: Mizorama Chanchin Tha lo luh hnu kum 17-na, kum 1911 April ni 13-a Presbytery Inkhawmpui hmasa ber Aizawla neih a nih tumin Pu Dova, Pu Lalhlura, Pu Tuahkima leh Pu Kapliana te chu Durtlang Kohhran Upa atan an nemnghet a. Hemi tuma kal thei lo Pu Darsata leh Pu Kapkunga te chu 1911 October thlaa Presbytery-ah nemngheh an ni ve leh bawk. Kum 1924 ah Durtlang Pastor Bial siam a ni a, Bialtu Pastor hmasa ber chu Pastor Saiaithanga a ni. Heng hun lai hian Durtlang Bialah Kohhran 15 lai an awm. Durtlang Bial Inkhawmpui hmasa ber chu September 29, 1924 (Thawhtanni) ah Durtlangah neih a ni a, kum 1924 leh 1925 chhunga Bial hruaitu hmasate chu heng mite hi an ni:

Chairman : Pu Sandi Sap (Rev. F.J. Sandy)

Secretary : Upa D. Thianga

Treasurer : Pastor Saiaithanga

Bial Inkhawmpui an neih tan tirh chuan Inrinniin ro an rel a, tlaiah an haw darh leh mai thin a ni awm e. Kum 1939 atang chuan Zirtawpni zanah Report an pe a; Inrinniah Rorel, Pathianniah Lalpa Zanriah Sakramen thehin vantlang Pathian Biak inkhawm an neih bakah Hmeichhe Inkhawm a awm bawk. Kum 1952 atangin Bial Inkhawmpui kara thu tul ngaihtuahtu tur Bial Standing Committee member mi panga an thlang a, an zinga pakhat chu Ziaktu atan ruat chawp a ni thin. Bial Standing Committee mumal taka siam tan kum erawh chu 1954 a ni a. Member paruk zinga pahnih chu kum khat term atan, pahnih dang chu kum hnih term atan leh pahnih dang leh chu kum thum term atan an ruat a. Tichuan kum tin mi pahnih an tawp a, mi pahnih an ruat thar zel thin.

2. Presbytery-a lo tel tawhnate: Mizo zinga Pastor hmasa ber Rev.Chhuahkhama chuan Aizawl atanga hmar lam, Tuirial leh Tlawng lui inkar zawng a bial thin a,chutah chuan Durtlang pawh a tel thin. Durtlang Bial hi Aizawl Hmar Presbytery din a nih hma kum 1978 thleng khan Hmarthlang Presbytery-ah a awm.

3. Pastor/Pro Pastor bial lo vawng tawh:

Bialtu Pastor lo ni tawhte:

1)   Pastor Saiaithanga 1924—1959

2)   Pastor P.D. Sena 1959—1966

3)   Pastor Challiana 1967—1974

4)   Pastor Lalruma 1975—1978

5)   Pastor Lalchama 1979—1988

6)   Pastor Thangpuiliana 1989—1992

7)   Pastor C.Vanlalringa 993—2001

8)   Pastor R.Thangvunga 2002—2003

9)   Pastor R.Ramnghinglova 2004—2008

10) Pastor ZD Lalhmachhuana 2009—2012

11) Pastor J.Lalremsiama 2013—2017

12) Pastor Lalremruata Ralte 2018—2022

13) Pastor Malsawmdawngliana 2023

14) Pastor Gospel Thanmawia 2024— till date

Probationary Pastor-a lo awm tawhte:

1)   Pro. Pastor Lalsawma 1955—1956

2)   Pro. Pastor Robawia 1960—1962

3)   Pro. Pastor Challianngura 1966—1969

4)   Pro. Pastor R.Lalthanmawia 1969—1976

5)   Pro. Pastor H.Lalrinmawia 1985—1986

6)   Pro. Pastor Johar Manik Ranglong 1994—1996

7)   Pro. Pastor F.Pachhunga 1997

8)   Pro. Pastor Remlalfaka 1998—2000

9)   Pro. Pastor P.S. Daniel 2002—2004

10) Pro. Pastor Vanlalchhunga 2015

11) Pro. Pastor Malakia Lalnunfela 2016

12) Pro. Pastor P.C. Vanlalfinga 2018

13) Pro. Pastor Jonathan Lalruatkima 2025

4. Bial hmalakna:

   • Presbyterian English School: Durtlang Pastor Bialin hmalakna a neih zinga pawimawh tak pakhat chu Presbyterian English School (PES) hi a ni awm e. Kum 2004 Durtlang Pastor Bial Inkhawmpuiin a rel angin January 21, 2005- ah Durtlang Pastor Bial Presbyterian English School din a ni a. Durtlang Kohhran Hall leh Sunday School Hall te luahin a bul tan a ni a. Kum 2009 September ni 2-ah tuna School hmun hi luah luh tan a ni. A tirah chuan Class KG-I atanga Class VIII thleng siam a ni a. Kum 2015 atangin High School section hawn belhin Class X thlengin a awm ta a.

Kum 2019 Bial Inkhawmpui chuan 2023-a Durtlang Pastor Bial Inkhawmpui kum 100-na lawm tura a rel bawhzuiin Bial Standing Committee chuan School Campus-ah Centenary hriat reng nan Building sak turin a rel a. Hemi atan hian Budget nuai 21 dah a ni a. July 23, 2022-ah building chu luah theihin siam a ni a, April 20, 2023 khan Durtlang Pastor Bial Centenary denchhenin hawn a ni.

PES Durtlangah hian thawktu mi 20 an awm a; zirlai naupang 387 an awm bawk. Principal leh zirtirtu 17, Office Assistant 1 leh IV Grade 1 ten an thawk mek a. School Management Board leh thawktute thahnemngaihna zarah hma a sawn zel a ni.

1. Sihphir Pastor Bial tobul leh kum: Kum 1913-ah Mizo zînga Pastor hmasa ber Pastor Chhuahkhama’n min bial a. Hêng hunlaia a Bial hi tûna Aizawl hmâr lam zawng -  Aizawl Hmar Presbytery, Sakawrhmuituai Presbytery, Hmarthlang Presbytery leh Hmarphei Presbytery-te hi a huam a, a zau tham hle. Kum 1917-ah Pastor Chhuahkhama Bial chu Bial pathum - Aijal (Aizawl), Bukpui leh Kolasib-ah thenin, kum 1923-ah Tirhkoh Buanga chu Nisapuiah rawn insawnin, kum 1924-ah Pastor atân nemngheh niin (a hma zawng chuan Tirhkoh Buanga tih a ni), Nisapui Bial kan ni ta a.

Kum 1927 khân Bial siam danglam a ni a. Nisapui Biala awm thîn Neihbawih, Sihphir, Nausel leh Selesih Kohhrante chu Durtlang Bialah telh a ni a. Kum 1951-a Bial siam rem lehnaah chuan Nausel, Sihphir leh Neihbawih Kohhrante chu Nisapui Bialah bawk telh an ni leh a. Kum 1961-ah Pastor Buanga chu Bukpui Bial vawng tûra tih a ni a; a ai awh tûra lo kal Pastor Hranghnuna’n Sihphir atanga min vawn tâk avângin “Sihphir Pastor Bial” tih kan lo ni ta. {Kum 1961 hma lam zawnga kan telna kha chu Khua/Kohhran dang hmingpu anih avângin Sihphir Bialah kan chhiar tel ta lo (vide Sihphir Pastor Bial Diamond Jubilee 2021 Souvenir, p. 11)}.

2. Bialtu Pastor lo ni tawh te:

1) Pastor Hranghnuna         1961-1972

2) Pastor Lalbiakvêla            1973-1976

3) Pastor Lalbiaktluanga      1977

4) Pastor S.Lalmuana           1978-1986

5) Pastor Sanghnuna            1987-1991

6)   Pastor C.Satliana             1992-2000

7)   Pastor G.Chhunthuama 2001-2007

8)   Pastor John Raldosanga 2008-2012

9)   Pastor H.Laltlanthanga    2013-2017

10) Pastor C.Sapkaia              2018-2022

11) Pastor H.Lalzuiliana 2023-till date

Probationary Pastor lo awm tawh te:

1)   Pro. Pastor Lalhmingmawia   1969

2)   Pro. Pastor Rosiamliana Tochhawng 1998-2000

3)   Pro. Pastor R.Vanlalngena   2005-2007

4)   Pro. Pastor Lalduhsaka           2011

Rev. Luttinlel, Evangelical Organisation Church, Manipur chu kum 2010 chhunga Pastor Special Training turin Synod 2009-in a rawn dah bawk.

3. Presbytery tel tawhna te.

Telna                     Tel kum

Hmarchhak         1944 hma lam

Hmarthlang 1944-1985

Sakawrhmuituai   1986-2011

Aizawl Hmar    2012-       

4. Bial hmalâkna pawimawhte:

   • Synod Secretary-in Synod kalphung (Organization set up) thuah rawtna neiten thlen tûra min tih angin hêng thil pathumte hi thlen a ni (vide BCS II:IV/1978):

     1. Synod Moderator hi Synod hotu lu ber a ni a. A hun chhûng chuan a hna ngai hi tihtlêm sakin, Synod Office-ah hmun bîk neiin, hun tam zâwk hmangin hotu ber chan chang zêl se.

     2. Executive Secretary hi pathum nei zêl ila. SEC-in mi pakua nominate-in Synod-in secret ballot-in thlang thîn se, SEC-in an hna chanpual ruat thîn se.

     3. Full time worker-te hian an hna chanpual bâkah a tûl dân a zirin Secretary an puih theih dân tûr SEC-in siam thîn se.

   • Hla/Zaipawl lam rawngbawlna: Kum 1969-a Mizo Kohhran Zaipawlin Kerela an zuk fan khan Zaipawl tihhmasâwn nân Shield an rawn hawntîr a. Chûng shield-te chu Presbytery tinah Zaipawl lntihsiak lâwmmanah hman a ni ta a. Pastor Bial tinin an Bial theuhva Zaipawl thiam ber an rawn thlan chhuahte chu Presbytery lnkhâwmpuiah Bial aiawhin an in-el thîn a. Kum 1972-ah chuan lâwmman pakhatna an rawn la a ni. Inelnaa tum sarih an tel chhûng hian - 1-na vawi khat; 2-na vawi thum; 4-na vawi hnih leh 5-na vawi khat an ni.

   • Hnam dangte zinga rawngbawlna tûr Home Mission din: Pastor Bial chhûngah hnamdang eng emaw zât hna thawkin an awm a. Chûng ringloho ringtua siam tûr chuan kum 1988, October 31-ah Home Mission dinin, a din tirh atanga tûn thleng hian Tirhkoh 10 rawih an ni tawh (a tîr lam kum 4/ chhûnga thawkte hi Bial Standing Committee-in a lâkte niin, a hnu lama mite hi Synod Mission Board lamin min pêk an ni) a, tûn thlengin tha takin kalpui  a la ni.

Tin, Masihi Sangati Convention hi kum 1997-ah leh kum 2013-ah te kan Bialah nghah a ni tawh.

Masihi Sangati Evangelist kan neih tawhte:

1)  Pu Bowas Sanga 1988 - 1992

2)  Pu Lalthianghlima 1993 - 1996

3)  Pu N.K. Gina 1997

4)  Pu P.B. Gurung 1997 - 2008

5)   Pu Vanlalmuana 2009 - 2013

6)   Pu David Dhamalla 2014 - 2017

7)   Pu Chandra Gurung 2018 - 2021

8)   Pu Toyanath Sharma 2022

9)   Pu C. Lalbiakenga 2023 - 2024

10) Pi R. Vanlalsiami 2025 - till date

Bawngkawn Pastor Bial hi Chaltlang Pastor Bial aTanga indangin kum 1997 Chaltlang Pastor Bial Inkhawmpui-a Bial thar hawn rawtna lut chu Presbytery-ah kal zelin  hemi kum vek Synod  74-na, Dawrpui Kohhran Biak ina neih chuan Bial thar pali hawn  tura pawm zingah Bawngkawn Bial (Bawngkawn, Bawngkawn Chhimveng, Thuampui, Zuangtui leh Muanna P/S ) hawn chu a remti ta a ni. 

Special Bial Inkhawmpui ni 10.01.1998 (Inrinni) dar 1:00 pm-ah Bawngkawn Kohhran Biak inah neih a ni a, Synod lam atanga ruahmannain Bawngkawn Pastor Bial hi Bawngkawn Kohhran Biak inah ni 11.01.1998 (Pathianni) chawhma Inkhawmah Rev. Lalbiaktluanga’n a hawng. Pathianni chawhnu Inkhawm hi Pastor dah ngheh (Induction Programme) Inkhawma hmangin Synod ruat angin Rev. C. Rosiama’n Bawngkawn Bial Pastor hmasa ber atah Rev. Zawlthuama chu a dah nghet bawk.

Kum 2005-ah |huampui Bial thar lo dingin Bawngkawn Bial-a awm |huampui, Zuangtui leh Muanna Kohhran bakah Zemabawk Bial-a Falkland veng Kohhran te chu Bial khat (1) ah dah a ni leh ta a ni.

Kum 2015 Synod 92-na chuan Bial thar hawn remtiin Bawngkawn Bial atangin Bawngkawn Bethel Bial (Bawngkawn Bethel, Bawngkawn  Hmarveng  leh Bawngkawn East) a lo ding ve leh ta a ni.   

1.  Presbytery-a awm tawhna:

a) Aizawl Hmar Presbytery

b) Aizawl Hmarchhak Presbytery (2015)

c) Aizawl Hmar Presbytery – 2016 a\angin tun thleng

2. Pastor/Pro. Pastor Bial lo vawng tawhte:

Bialtu Pastor lo ni tawhte:

1)  Pastor Zawlthuama : 1998 – 2002

2)  Pastor C. Chanchinmawia : 2003 – 2007

3)  Pastor P.C. Pachhunga : 2008 – 2012

4)  Pastor G. Chhunthuama : 2013 – 2017

5)  Pastor John Raldosanga : 2018

6)  Pastor R.C. Lalnghakliana : 2019 – 2021

7)  Pastor K. Lalrinmawia : 2022

8)  Pastor C. Lalrintluanga : 2023 – tun thleng 

Probationary Pastor-a lo awm tawhte:

1)  Pro. Pastor K. Lallawmzuala : 1999 – 2001

2)  Pro. Pastor Pasang Dan Dukpa : 2003 – 2005

3)  Pro. Pastor Kishore Chandra Singh: 2008 – 2010

4)  Pro. Pastor C. Lalremzuala : 2011 – 2013

5)  Pro. Pastor Khaison Thang Vaiphei: 2014 – 2016

6)  Pro. Pastor ST. Thangthienlal Vaiphei: 2017 

7)  Pro. Pastor Lalduhsaka : 2019

8)  Pro. Pastor Robert Lalsiamliana: 2021

3. Bial hmalakna: Bawngkawn Pastor Bial Silver Jubilee kum 2013-ah lawm a ni a, ni 11.01.2013 (Nilaini) nilengin Bial thuthmun – Bawngkawn Kohhran Biak inah a lawmna programme hman a ni.  

1. Bial din tan hun/din dan: Leitan Pastor Bial hi Kum 2005 Synod Inkhawmpui vawi 82-na, Chanmari Kohhran Biak In-a neih tum khan Durtlang Pastor Bial a\angin, Leitan Pastor Bial thar tiin a lo piang a. Tichuan Ni 15 January 2006 (Pathianni) Chawhma dar 10:00-ah Rev. Dr. R. Lalbiakmawia, Synod Exe. Secretary- in Leitan Kohhran Biak Inah a hawng a, hemi rual hian Bialtu Pastor hmasa ber atan Pastor K.C. Vanlalduha leh Pro. Pastor hmasa ber atan Pro. Pastor S.B Gurung- te chu Induction a nei nghal a ni. Chutiang chuan Pathian hruaina in Leitan Pastor Bial chuan kum 20-na kan lo thleng ve ta reng mai a ni. Pathian hnenah lawmthu awm mawlh rawh se.

2. Presbytery a lo tel tawhnate: Leitan Pastor Bial hi Durtlang Bial atanga a In dan hnu hian Aizawl Hmar Presbytery-ah bak awmna dang a la nei lo a ni.

3. Pastor/Pro. Pastor bial lo vawng tawhte:

Bialtu Pastor lo ni tawhte:

1) Pastor K.C. Vanlalduha Kum-2006-2010

2) Pastor K. Rolungmuana Kum-2011-2015

3) Pastor R. Lalhmangaiha Kum- 2016 - 2020

4) Pastor J.H. Zaikima Kum-2021 - till date

Probationary Pastor-a lo awm tawhte:

1) Pro. Pastor Surendra Bahadur Kum - 2006- 2008

2) Pro. Pastor Lalramchhuanglura Kum - 2013

3) Pro. Pastor C. Lalfakzuala Kum- 2014

4. Bial hmalakna lian deuh:

   • Pastor Quarters chungchang: Durtlang Pastor Bial atanga Leitan Pastor Bial a lo din ve takah chuan, Bial dang ang bawkin Pastor Quarters mamawh nghal a nih avangin Bial Standing Committee chuan Ram lei tur a zawng nghal a, Pu Thangkunga Ram chu lei theih a ni tih hriain, Ram leina tur sum Synod-ah dil nghalin ₹ 8,50,000/- in min leisak a. Ni 14 August 2006 khan Pastor Quarters hmun chu laih tan a ni a, a sakna sum pawh hi Synod atangin ₹ 6,00,000/- bakah Add., ₹ 2,00,000/- hmuh Ieh a ni a. Bial chhung Kohhran hrang hrangte leh Bial Kohhran Hmeichhia-te leh Bial K.T.P ten sum leh tha thahnem tak thawh vein, Ni 05 June 2007 zing karah khan luah theih niin, Synod Moderator Rev. Vanlalchhunga’n min hawnsak a ni. Kum engemaw hnuah a hnuai lam luah theiha hma lak leh niin chang tlung zawka thuam that leh a ni a, Synod atangin grant engemaw zat hmuh leh a ni.

   • Hnam dang zinga rawngbawlna: Leitan Pastor Bial hian Hnamdangte hnena rawngbawlna hi kum 2007 atangin a kalpui tan a, hemi kum June thla atang hian Hnamdang Tirhkoh rawih \an niin, kumin thlengin Bial Evangelist mi 7 (pasarih) rawih tawh a ni a, chung mite chu:

i)   Paramananda Basumatari Kum 2007 -2010

ii)   Lalnuntluanga Kum 2011

iii)  Bhakta Bahadur Kum 2012- 2013

iv)   M.B. Chhetry Kum 2014 - 2017

v)   C. Lalzawmliana Kum 2018- 2021

vi)   Chawngsailova Kum 2022- 2023

vii)  Nancy Lalhmingmawii Kum 2024- till date

4. • Synod Hospital lama hmalakna: Synod Hospital Eye Department- a hman tur Mit Enna Khawl (Retinoscope leh Ophthalmoscope) mamawh a nih thu kan dawn chu bawhzuiin, Leitan Pastor Bial chhung Kohhrante Budget intum semin; ₹ 1,28,000/- (Cheng nuaikhat singhnih Sangriat) man - Retinoscope leh Ophthalmoscope khawl tha leh changtlung tak lei a ni.

1. Bial din tan hun/Din dan: Kum 2012 Synod Inkhawmpuiin a rel angin, Sihphir Bial atangin Sihphir Vengthar Bial siam thar a ni a. Bial thar hawng tura Synod-in a ruat Rev. Zosangliana Colney chuan Ni 12.01.2013 (Inrinni) khan a hawng a. Pastor quarters hmun turin IKK (Sen) Biak In hmun lei a ni a. Bial chhung Kohhranhote tanrualna avang leh Synod lam inhawnna azarah RCC chhawng hnih sak zawh a ni a, a lawmawm hle.

2. Presbytery-a lo tel tawhnate: Sihphir Vengthar Pastor Bial hi Sihphir Bial atanga a In dan hnu hian Aizawl Hmar Presbytery-ah bak awmna dang a la nei lo a ni.

3. Bialtu Pastor lo ni tawhte:

1) Pastor Lalchhuanawma : 2013 - 2017

2) Pastor V. L. Luaia Hranleh : 2018 - 2021

3) Pasor R. Lalremruata : 2022 - till date

4. Bial hmalakna:

   • Masihi Sangati:

Bial Masihi Sangati Fellowship chu Bial Inkhawmpui vawi 2 Gen. No. 5 in a rel angin Ni 24.05.2014 khan din tan a ni.

Masihi Sangati Evangelist kan neih tawhte:

1) Pu Tikaram Sharma — May 2017 – April 2018

2) Pu H. Darhmingliana — June 1, 2018 – May 2019

3) Pu C. Lalbiakenga — February 2019 – December 2022

4) Pu Toyanath Sharma — January 2023 – till date

1. Bial din tan hun/din dan: Kum 2015 Synod Inkhawmpui Vawi  92-na Tuikual Kohhran Biak Ina neih chuan Bial thar pakua (9) hawn tur a ruahman zingah Bawngkawn Bial atanga Kohhran pathum (3) - Bawngkawn Hmarveng Kohhran, Bawngkawn East Kohhran leh Bawngkawn Bethel Kohhrante chu lakhawmin Bial thar Bawngkawn Bethel Pastor Bial hawng turin a remti a. Ruahmanna angin Ni 9, January 2016 (Inrinni) chawhmaah Rev H. Remthanga, Finance Officer, Mizoram Synod chuan Bial thar a rawn hawng ta a ni. 

Ni 9, January 2016 (Inrinni) chawhnu lamah Special Bial Inkhawmpui neih zui niin Bawngkawn Pastor Bial Standing Committee vawi 144-nain a lo ruahman angin Bawngkawn Bethel Pastor Bial Puipate pawh pawm niin tun thlengin Bial chu tluang takin a la kal ta zel a ni.

Synod Inkhawmpui vawi 92-na chuan Bialtu Pastor atan Pastor Vanlalmuanpuia Khiangte, BA,BTh, BD, MTh chu a ruat a, Ni 10.01.2016 (Pathianni) chawhnu inkhawmah induction service neih niin Rev. H. Remthanga, Finance Officer, Mizoram Synod chuan a dahnghet a ni.

2. Presbytery lo tel tawhna te: Bawngkawn Bethel Pastor Bial hi a indan tirh a\angin Bial ang chuan Aizawl Hmar Presbytery-ah a awm a, Bial thar hawn anih hma Bawngkawn Pastor Biala kan la awm khawm lai chuan Aizawl Hmarchhak Presbytery-ah kum 2015 kumah khan a lo awm ve tawh bawk a ni.

3. Pastor/ Pro. Pastor Bial lo vawng tawhte: Bawngkawn Bethel Pastor Bial hian a din tirh atanga tun hun thlengin Bial vawngtu Pastor pathum kan nei tawh a, Probationary Pastor erawh kan la nei lo, chungte chu -

1) Pastor Vanlalmuanpuia Khiangte : 2016 - 2020

2) Pastor Dr. Lalhmachhuana : 2021 - 2024

3) Pastor C. Lallungmuana : 2025 -

4. Bial hmalakna: Bial chhung Kohhran Committee-te leh rawngbawltute pualin Seminar \um 2 neih a ni tawh a, Finance Training pawh tum 2 neih a ni tawh bawk.

Synod Hospital Charity Fund Bial huapin lakkhawm a ni a, Synod Hospital-a dah tur \hutthlengsei pawh 30 lai Synod Hospital-ah pek a ni bawk.